Armando Broja nuk ka qenë pjesë e skuadrës së Fulhamit në tri ndeshje e fundit, pasi që trajneri Marco Silva vendosi ta lërë në tribunë.
Silva ka folur me simpati të madhe për sulmuesin shqiptar, të cilin e ka ndjekur prej kohësh dhe ka thënë se ka qenë kërkesë e tij ekskluzive për ta marr te Fulahm.
“Broja është te Fulham prej këmbënguljes time. Unë e njoh dhe e vlerësoj jashtëzakonisht shumë për aftësitë që ka, ndaj e kërkova edhe në verë si zëvendësues të Mitrovic, kur ai u largua”.
“Erdhi në shkurt, kur ne ishim në emergjencë në sulm, por tashmë i kemi rikuperuar të gjithë. Unë luaj me një qendërsulmues dhe një tjetër e mbaj në stol, ndaj këto kohë Armando nuk është grumbulluar”, ka thënë Silva.
Trajneri i njohur ka thënë se do të vijë koha e Brojës që të luajë, ndërsa mund të transferohet te Fulhami përfundimisht.
“Situata me sulmuesit është e tillë dhe ai nuk duhet të dekurajohet, pasi do të ketë mundësitë e tij. Ne kemi pasur Raul Jimenez që shënoi vetëm dy gola për 16 muaj, por rigjeti formën e tij më të mirë. Muniz nuk kishte shënuar para se të vijë Broja, por tashmë është sulmuesi më të formë në Ligën Premier”.
“Gjërat në futboll ndryshojnë shumë shpejt, ndaj Broja duhet të jetë besimplotë. Nëse do të provojmë ta blejmë në verë? Unë e kam dhënë mendimin tim, por nuk mund të flasim më shumë, pasi ai është në pronësi të Chelseat”, përfundoi Silva.
