Kryeministri Albin Kurti vizitoi këtë mëngjes Ligatinën e Hencit, bashkë me 15 fotografë, të cilët pasqyrojnë përmes fotove botën e kafshëve të egra dhe natyrën në Kosovë.
Teksa pa nga afër mënyrën e tyre të punës dhe formën se si operojnë, kryeministri u njoh dhe me sfidat me të cilat ata përballen në vendin e punës dhe rreziqet të cilat mund të shfaqen.
Kryeministri shprehu vullnetin dhe gatishmërinë e Qeverisë në adresimin e këtyre sfidave në mënyrë që puna e tyre të jetë më produktive dhe lehtë e përballueshme, thuhet në komunikatën e Qeverisë.
Ai i falënderoi fotografët për punën e kontributin e tyre në fushën e fotografisë dhe dokumentimit të botës së egër në Kosovë.
