Është konfirmuar rasti i parë me virusin e Nilit Perëndimor në Kosovë.
Instituti Kombëtar i Shëndetit Publik ka thënë se bëhet fjalë për një person nga Fushë-Kosova i moshës 59-vjeçare.
Ai është hospitalizuar në Infektive më 29 korrik për shkak të simptomave të lodhjes dhe temperaturës së lartë.
Pacienti ka thënë se kishte qenë në Shëngjin nga data 27 qershor deri më 29 qershor dhe nga data 13 korrik deri 22 korrik kishte qenë në pushime në Ulqin dhe i ishin paraqitur simptomat menjëherë pas kthimit.
“Pacienti është duke u trajtuar në Klinikën Infektive të Qendrës Klinike Universitare të Kosovës. Duke qenë që prej muajit të kaluar disa vende të Bashkimit Evropian dhe të Ballkanit Perëndimor kishin raportuar raste të Virusit të Nilit Perëndimor si: Spanja, Italia, Greqia, Austria, Hungaria, Franca, Serbia dhe, së fundi edhe Shqipëria, IKSHPK-së ka ngritur nivelin e vigjilencës dhe këshilluar qytetarët që të ndjekin rekomandimet e dhëna në vazhdimësi për të paradaluar rastet e Virusit të Nilit Përendimor. IKSHPK i njofton, gjithashtu, qytetarët se situata epidemiologjike është e qetë dhe po përcillet me kujdes të shtuar”, ka njoftuar IKSHPK.
IKSHPK-ja ka treguar edhe simptomet e virusit të Nilit Perëndimor.
Njoftimi:
