Në shtatë vjetorin e vdekjes së Bajram Rexhepit, kandidati për kryeministër të Kosovës nga radhët e PDK-së, Bedri Hamza, ka vendosur lule pranë varrit të tij.
Në një postim në Facebook, Hamza tha se Rexhepi ishte i pandalshëm në angazhimin e tij me dekada të tëra për fuqizimin e shtetit.
“Kosova dhe Mitrovica, 7 vjet më parë, mbetën pa njeriun e popullit, mjekun e luftës, kryeministrin e parë të pasluftës, Bajram Rexhepin. Sot, në përvjetorin e shkuarjes së tij në amshim, e kujtojmë si figurë unifikuese të politikës në Kosovë. Ai ishte i pandalshëm në angazhimin e tij me dekada të tëra për fuqizimin e shtetit tonë. Si mjek e humanist, si kryeministër e ministër i Qeverisë së Kosovës, si kryetar e qytetar i Mitrovicës, si mik e bashkëpunëtor, Bajram Rexhepi ishte gjithnjë i dëshmuar”, ka shkruar Hamza. /Gazeta Enigma
Shtatë vjet nga vdekja e Bajram Rexhepit, Hamza vendos lule pranë varrit të tij
![Shtatë vjet nga vdekja e Bajram Rexhepit, Hamza vendos lule pranë varrit të tij](https://gazetaenigma.com/wp-content/uploads/2024/08/5-8.jpg)