Dy veturave në një auto-sallon iu është vënë flaka qëllimshëm nga dy persona ende ta pa identifikuar, në rrugën magjistrale Prishtinë – Ferizaj.
Djegia e veturave u bë në parkingun e auto-sallonit, në orët e vona të së hënës.
Në vendin e ngjarjes kanë dalë njësitë relevante policore dhe zjarrfikësit, të cilët e kanë shuar zjarrin.
Pas shikimit të kamerave të sigurisë është vërejtur se zjarrin e kanë shkaktuar dy persona të panjohur të cilët kishin shkuar aty me një veturë të panjohur.
Lidhur me rastin është njoftuar prokurori dhe rasti është duke u hetuar. /Gazeta Enigma
