Reperi Arkimed Lushaj, i njohur si Stresi, është liruar nga paraburgimi pasi pagoi dorëzaninë me vlerë prej 20 mijë eurosh.
Lajmin e ka konfirmuar për Gazeta Enigma, zëdhënës i Prokurorisë Themelore të Pejës, Shkodran Nikçi.
“Personi i dyshuar me inicialet A.L., është paraqitur dje në stacionin policor, dhe pas intevistimit me urdhër të Prokurorit të Shtetit është ndaluar për 48 orë. Prokuror i Shtetit brenda afatit ligjor ka parashtruar kërkesë për caktimin e masës së paraburgimit, ku gjatë seancës dëgjimore sot, Prokurori i Shtetit ka propozuar masën e dorëzanisë, me ç’rast kjo masë është cilësuar nga gjykata me vlerë 20 mijë euro, ku personi i pandehur i ka deponuar paratë si lloj garancie se do të jetë prezent në procedurat penale sa herë që organet e ndjekjes ta ftojnë”, tha Nikiçi për Klankosova.tv..
Stresi dyshohet se ishte përfshirë në një incident në një klub nate në Pejë, për veprën penale “lëndim trupor”. /Gazeta Enigma
