Ambasadori i Shteteve të Bashkuara të Amerikës, Jeffrey Hovenier, është deklaruar për zgjedhjet presidenciale në SHBA, raporton Gazeta “Enigma”.
Tutje Hovenier ka vlerësuar interesimin e popullit të Kosovës për këto zgjedhje.
SHBA-ja është demokraci e pjekur dhe se institucionet e saj janë solide, derisa shtoi se sido që të jetë rezultati, qeveria amerikane do të vazhdojë të përfaqësojë popullin amerikan.
“Zgjedhjet janë gjithmonë një mënyrë për të festuar sepse janë një akt esencial në demokraci, ku qytetarët mund të shprehin vullnetin e tyre për të bërë zgjidhje për vendin e tyre…”, ka deklaruar Hovenier në Kanal10.
“Ne e kemi çmuar aq shumë interesimin e popullit të Kosovës për zgjedhjet tona dhe mendoj se kjo fushatë dhe këto zgjedhje kanë treguar sërish se sa e gjallë, sa e pasur, sa amerikanët aktivë kanë të bëjnë me përgjegjësinë e tyre qytetare, dhe me të vërtetë përfshihen në këtë pyetje se çfarë drejtimi duhet të marrim dhe kush duhet ta udhëheqë vendin tonë”.
“Shtetet e Bashkuara të Amerikës janë një demokraci shumë e pjekur. Ne e kemi bërë këtë për më shumë se 200 vjet. Institucionet tona janë solide. Nuk e di rezultatin e këtyre zgjedhjeve, por e di se cilido që të dalë, populli amerikan do të vazhdojë dhe institucionet amerikane të qeverisë do të vazhdojnë të përfaqësojnë popullin e Shteteve të Bashkuara”, tha ai. /Gazeta Enigma/
