Krerët e partive politike kanë nisur të urojnë Donald Trump për rezultatin pozitiv në zgjedhjet e 5 nëntorit.
Ramush Haradinaj, kryetari i AAK-së, ka uruar gjithashtu Trumpin teksa ka thënë se nën udhëheqjen e Trumpit është krijuar Ushtria e Kosovës dhe u shpreh i bindur se nën drejtimin e tij, ShBA-të do të vazhdojnë të qëndrojnë si aleati më i fortë dhe i palëkundur i vendit tonë.
“Urime popullit amerikan për një proces zgjedhor që pasqyron vlerat e demokracisë dhe fuqinë e vullnetit të lirë të qytetarëve të tij. Një urim i veçantë për Presidentin Donald Trump për zgjedhjen e tij. Nën udhëheqjen e President Trump kemi krijuar Ushtrinë e Kosovës, jam i bindur se, nën drejtimin e tij, Shtetet e Bashkuara të Amerikës do të vazhdojnë të qëndrojnë si aleati ynë më i fortë dhe i palëkundur. Në këtë rrugëtim për konsolidimin e shtetit dhe synimin tonë afatshkurtër drejt anëtarësimit direkt në NATO, mbështetja e SHBA-së mbetet kyçe”, ka shkruar Haradinaj. /Gazeta Enigma
Trump para Harris me vota, reagon Haradinaj
