Donald Trump ka emëruar Susie Wiles, drejtoreshën e fushatës së tij, si Shefen e Stafit për fushatën e tij presidenciale. Ky është pozicioni më i lartë i një të pazgjedhuri në Shtëpinë e Bardhë, në rast se Trump arrin të rikthehet në detyrë.
Në fjalimin e tij të fitores, Trump e lavdëroi Wiles për ndihmën e saj në realizimin e “një nga fitoret më të mëdha politike në historinë amerikane”, shkruan Gazeta Enigma.
Ai theksoi se ajo është “e ashpër, e zgjuar, novatore dhe e admiruar dhe e respektuar botërisht”.
Kjo emërim vjen në një kohë kur Trump ka përshpejtuar fushatën e tij për të kërkuar një mandat të dytë në Shtëpinë e Bardhë, duke e pozicionuar Wiles në një rol kyç për suksesin e tij të ardhshëm politik.
Ja çfarë dimë për gruan që presidenti i zgjedhur republikan e quajti “vajza e akullt”:
Më pak se një vit pasi Wiles filloi të punonte në politikë, ajo iu bashkua fushatës së Ronald Reganit përpara zgjedhjeve të tij në 1980
Në vitin 2010, ajo ndihmoi që Rick Scott, një biznesmen i atëhershëm me pak përvojë politike,të bëhet guvernator i Floridës në vetëm shtatë muaj. Scott tani është një senator amerikan.
Wiles u takua me Trumpin gjatë zgjedhjeve presidenciale republikane të vitit 2015 dhe u bë bashkëudhëheqëse e fushatës së tij në Florida. Ai vazhdoi të fitonte shtetin ndaj Hillary Clinton në vitin 2016
Guvernatori i Floridës Ron DeSantis, i cili e vendosi atë në krye të garës së tij të suksesshme dy vjet më vonë, e përshkroi Wiles si “më të mirën në biznes”.
67-vjeçarja e cila njëherësh është gjyshe, është vajza e lojtarit të ndjerë amerikan të futbollit, Pat Summerall . Ajo ka përshkruar veten si një njeri që vjen nga një sfond politik “tradicional”./GazetaEnigma/
