Izraeli ka kryer sulme ndaj flotës detare të Sirisë, saktësisht në portin Latakias.
Një gjë të tillë e kanë konfirmuar vet izraelitët.
Observatori Sirian për të Drejtat e Njeriut (SOHR) me bazë në Mbretërinë e Bashkuar thotë se ka dokumentuar më shumë se 310 sulme nga Forcat e Mbrojtjes të Izraelit (IDF) që nga rënia e regjimit të Asadit të dielën.
Avionët luftarakë izraelitë thuhet gjithashtu se kanë kryer qindra sulme ajrore në të gjithë Sirinë, duke përfshirë kryeqytetin, Damaskun.
Ministri izraelit i Mbrojtjes, Israel Katz, deklaroi se IDF po synonte “të shkatërronte aftësitë strategjike që kërcënojnë shtetin e Izraelit”.
Ai shtoi se operacioni për të shkatërruar flotën siriane kishte qenë një “sukses i madh”.
Ndërkohë, IDF konfirmoi se ka trupa që operojnë në territorin sirian përtej zonës mbrojtëse të demilitarizuar midis Sirisë dhe lartësive të Golanit të pushtuara nga Izraeli.
Ai shtoi se sulmet e saj ishin për të parandaluar që armët të binin “në duart e ekstremistëve” ndërsa Siria po kalonte në një epokë pas Asadit.
SOHR raportoi se sulmet u përfshinë në Aleppon, Damaskun dhe Hamën. Ata synuan objektet ushtarake të ushtrisë siriane, duke përfshirë depo armësh, depo municionesh, aeroporte, baza detare dhe qendra kërkimore. /Gazeta Enigma
