Diskutimi për gjendjen në të cilën ndodhet Shqipëria sot ka ngjallur debate mes dy opinionistëve, Azdren Shala dhe Vehbi Kajtazi, raporton Gazeta “Enigma”.
“Unë mendoj që pikërisht tek ato arrestimet e shumta që janë bërë nga ish-ministrat e Ramës, tek shqiptarët kjo është perceptuar si pozitive, sepse kjo e hedh poshtë akuzën që Rama e ka të kapur sistemin e drejtësisë”, është shprehur Shala.
Ndërkaq, Kajtazi tha se Edi Rama e ka sulmuar SPAK-un për Erion Veliajn. “Për Erion Veliajn, Edi Rama e ka sulmuar direkt SPAK-un, e ka sulmuar brutalisht”, është shprehur Kajtazi në “Rubikon”.
Mospajtimet e tyre kanë vazhduar edhe më tej, ku Kajtazi tha se në Shqipëri është bartur kokainë me aeroplan ushtarak. “Me aeroplan ushtarak është bartur kokaina në Shqipëri, në qeverisjen e Edi Ramës”, u shpreh ai.
E në lidhje me këtë, një kundërpërgjigje e pati Azdren Shala, “Kjo është akuzë e Vehbisë. Janë 12 vjet qeverisje, nuk po e tregon vitin. Ka mundësi është e vërtetë, nuk po e mohoj këtë pjesë, por krahas kësaj aty ka zhvillim, në aspektin infrastrukturor Shqipëria ka rilindur, në aspektin urban Shqipëria ka rilindur”, u shpreh tutje Shala.
