Ministri në detyrë, Faton Peci, ka thënë se po bëhen përpjekje të vazhdueshme nga partia në pushtet për ta zhbllokuar ngërçin politik, teksa ka theksuar se emri i Haxhiut “nuk është problemi”, raporton Gazeta Enigma.
“Ne si grup parlamentar në vazhdimësi jemi duke bërë përpjekje për zhbllokim të kësaj gjendje. Jemi duke kryer detyrimet tona ligjore e kushtetuese, jo vetëm duke marrë pjesë, por duke marrë pjesë edhe në proces të votimit. Është shumë e rëndësishme të potencohet se meqë ka sot përfolje të vazhdueshme për ta ndërruar emrin e kandidates për kryeparlamentare, ne nuk kemi ardhur te propozimi i emrit. Ne kërkojmë një herë proces të votimit të fshehtë. Emri i Haxhiut nuk është problemi, jemi duke i hyrë në hak pa nevojë. Pjesë e përpjekjeve tona është edhe ftesa që u dërgoi Kurti liderëve të PDK-së e LDK-së”, ka thënë ai.
Peci foli edhe për takimet e sotme me presidenten Vjosa Osmani. / Gazeta Enigma.
