Kryetari aktual i Gjilanit nga radhët e LVV-së, Alban Hyseni, ka treguar për prioritetet e tij në mandatin e dytë që e kërkon në zgjedhjet e 12 tetorit, shkruan Gazeta “Enigma”.
Hyseni tha se plani qeverisës për mandatin e dytë përbëhet nga tri shtylla kryesore.
“Programi jonë për qeverisje bazohet në tri shtylla kryesore. Shtylla e parë është: Qytet i zhvilluar. Në të cilin synojmë të përfundojmë dhe të nisim projekte të reja. Kemi stacionin e Autobusëve, Kult Qendrën, Qëndrimin Ditor për të moshuar, Sallën e Sporteve, Shkollën e Mjekësisë, Banimin e përballueshëm Social, Stadiumin e Qytetit, dhe shumë e shumë projekte tjera”, tha Hyseni në Debat Përnime të Kallxo.
