Karateisti Ismal Selmani ka bërë histori duke fituar medaljen e argjendtë në Kampionatin Botëror të karatesë, që po mbahet në Kajro të Egjiptit, raporton Gazeta “Enigma”.
“Karateisti ynë, fitoi medaljen e argjendtë në Kampionatin Botëror të karatesë, që po mbahet në Kajro të Egjiptit. Pas 6 luftërave dhe pas fitoreve ndaj kampionëve botëror e medalistëve olimpikë, 20-vjeçari u ndal në finale nga turku Eray Samdan, të cilin e kishte mundur në grupe, kategoria 60 kg”, njofton Komiteti Olimpik i Kosovës përmes një postimi në Facebook.
“Selmani u bë karateisti i parë që fiton medalje të argjendtë botërore, duke shënuar njëherit njërin prej sukseseve më të mëdha në histori të sportit tonë. Shumë urime për Selmanin, trajnerin Isak Curri dhe Federatën e Karatesë së Kosovës”.
