Specializantët do të mbajnë sot një protestë për mospagesat e kujdestarive në Shërbimin Spitalor Klinik Universitar, raporton Gazeta “Enigma”.
Ata kanë ftuar mediat që ta përcjellin protestën e tyre, e cila pritet të mbahet para ndërtesës së administratës së SHSKUK-së në orën 12:00.
“Specializantët e ShSKUK-së protestojnë për mos pagesat e specialistantëve për kujdestaritë 24 orëshe të vikendeve dhe ditëve të festave”, thuhet në njoftim.
Drejtori i SHKSKU-së, Valbon Krasniqi, e nënshkroi një vendim me 1 korrik, i cili parashih që specializantëve të mos u paguhen kujdestaritë.
