Një vajzë e porsalindur nga Mitrovica, që u dërgua për shërim në Turqi, ka vdekur pas operimit.
Kjo u bë e ditur nga babai i foshnjës së ndjerë, Besmir Azemi.
“Pas një ndërhyrjeje kirurgjikale që fillimisht u konsiderua e suksesshme, ajo u mbajt për 30 orë nën mbikëqyrje intensive me pjesën e zemrës të hapur. Fatkeqësisht, gjatë kësaj periudhe u shfaq gjakderdhje e brendshme, të cilën organizmi i saj nuk arriti ta përballojë. Pavarësisht përpjekjeve maksimale të stafit mjekësor, ajo u nda nga jeta, duke lënë pas dhimbje të madhe në zemrat tona. Ju falënderojmë për mbështetjen, lutjet dhe mirëkuptimin tuaj në këtë kohë të rëndë për familjen tonë”, ka shkruar ai në Facebook.
Tutje, ai njoftoi se ceremonia mortore do të bëhet nesër në ora 12:00, në varrezat e Shipolit në Mitrovicë.
