Presidenti i SHBA-së, Donald Trump, tha se nuk është i kënaqur me propozimin e fundit të Iranit për t’i dhënë fund luftës, duke hedhur dyshime nëse zyrtarët iranianë do të “arrijnë ndonjëherë” një marrëveshje.
Trump e quajti gjithashtu një ligj që kufizon përdorimin e forcës pa autorizimin e Kongresit “krejtësisht jokushtetues”, duke sinjalizuar se nuk do të kërkonte leje zyrtare nga Kongresi për të vazhduar luftën me Iranin, shkruan CNN.
Ndërsa ngushtica mbetet kryesisht e mbyllur, çmimet e benzinës në SHBA tani janë mesatarisht 4.39 dollarë për galon – më e larta që nga korriku i vitit 2022 – një rritje prej 33 centësh vetëm javën e fundit.
