Ngordh hipopotami i famshëm Fiona, pësoi komplikime pasi gëlltiti një kapelë të hedhur nga vizitori

Ngordh hipopotami i famshëm Fiona, pësoi komplikime pasi gëlltiti një kapelë të hedhur nga vizitori

Fiona, hipopotami i famshëm i kopshtit zoologjik në Cincinnati të Shteteve të Bashkuara të Amerikës, ka ngordhur pasi pësoi komplikime shëndetësore nga gëlltitja e një kapeleje të thurur.

Lajmi është bërë i ditur nga vetë kopshti zoologjik, i cili njoftoi se, pavarësisht përpjekjeve të shumta të veterinerëve për ta shpëtuar, Fiona nuk arriti të mbijetonte.

Sipas njoftimit, kapela kishte përfunduar në hapësirën e hipopotamit rreth 11 ditë më parë, pasi një vizitor e kishte hedhur në ajër dhe një ventilator e kishte drejtuar aksidentalisht brenda rrethimit.

Fiona ishte bërë e njohur ndërkombëtarisht në vitin 2017, kur kishte lindur gjashtë javë para kohe, me peshë vetëm 13.2 kilogramë.

Historia e saj ishte ndjekur nga miliona njerëz në rrjetet sociale, duke e shndërruar në njërën prej kafshëve më të dashura të kopshtit zoologjik në Cincinnati.

Related Articles