alibanët njoftuan sonte se u premtojnë siguri qytetarëve të huaj dhe anëtarëve të misioneve diplomatike në kryeqytetin e Afganistanit, Kabul.
“Ne garantojmë siguri të plotë për të gjithë ambasadorët, misionet diplomatike dhe të huajt në Kabul. Të gjithë ata që janë këtu duhet ta dinë se nuk janë në rrezik,” tha zëdhënësi i talibanëve Zabiullah Mujahid në një postim në Twitter.
Ai shtoi se “luftëtarëve të Emiratit Islamik të Afganistanit iu tha të siguronin sigurinë në Kabul dhe qytete të tjera në vend.”
Sipas Al-Arabiya, militantët e lëvizjes radikale talibane hynë sot në Kabul pa rezistencë dhe morën zyrat qeveritare, të cilat u braktisën nga forcat pro-qeveritare.
Talibanët thanë se do të merrnin kontrollin mbi të gjithë qytetin në orët e ardhshme dhe u bënë thirrje banorëve të Kabulit që të qëndrojnë në shtëpitë e tyre për arsye sigurie.
Ministri në detyrë i Brendshëm afgan, Abdul Satar Mirzakwal ka vendosur një shtetrrethim në Kabul, i cili zgjat nga ora 21:00, në mënyrë që të parandalojë provokimet dhe të mundësojë siguri për civilët.
