Ashraf Ghani, presidenti afgan që sot u largua nga vendi dhe u nis drejt Taxhikistanit, është deklaruar sot përmes rrjeteve sociale dhe ueb-faqes ashrafghani.af – duke i dhënë fund shumë thashethemeve dhe manipulimeve lidhur me largimin e tij.
Në një mesazh në formë të shkruar ka shpjeguar se pse shkoi në ekzil – duke pranuar se këtë e bëri për të ndalur gjakderdhjen, dhe theksoi se tani talibanët janë përgjegjës për sigurinë e afganëve.
Ndër tjera në postimin e tij Ashraf Ghani ka theksuar:
“Të dashur bashkëkombës! Sot kam marrë një vendim të vështirë për të shmangur përplasjen dhe ballafaqimin me talibanët që kanë dashur të futën në pallatin presidencial. Është dashur të zgjedh – ose të braktisi vendin për të cilin jam sakrifikuar 20 viteve të fundit, ose të qëndroja dhe shumë bashkombasë do ta pësonin me jetë dhe do të shkatërrohej qytetit i Kabulit si rezultat do të ishte një katastrofë e madhe në një qytet prej gjashtë milionë banorëve. Talibanët kanë planifikuar të më largojnë dhe sulmojnë tërë Kabulin. Për të shmangur gjakderdhjen – vendosa të largohem”, ka thënë Ashraf Ghani.
