Presidenti i Serbisë, Aleksandar Vuçiq, u takua sot me kryetarin e Asamblesë Kombëtare të Sllovenisë, Igor Zorçiq, me të cilin u pajtua që kjo vizitë konfirmoi gjithashtu miqësinë dhe partneritetin midis dy vendeve.
Në takim kryeparlamentari slloven mirëpriti nismën për “Ballkanin e Hapur” si një mënyrë për bashkëpunim më të ngushtë në rajon, raporton Kosovo Online.
Vuçiq theksoi rëndësinë e bashkëpunimit parlamentar, si dhe të gjitha format e tjera të lidhjeve serbo-sllovene, veçanërisht në fushën e ekonomisë, në të cilën po bëhen gjithnjë e më shumë investime nga të dy palët, si dhe mbështetjen e Sllovenisë për rrugën evropiane të Serbisë, veçanërisht gjatë presidencës sllovene me BE.
Kryetari i Parlamentit slloven theksoi se zgjerimi i BE-së në Ballkanin Perëndimor është një nga prioritetet e presidencës dhe se Sllovenia i kushton një rëndësi të madhe mbajtjes së Samitit BE-Ballkani Perëndimor.
