Një aksident trafiku ka ndodhur në Bresje të Fushë Kosovës, ku janë lënduar katër persona, raporton Gazeta Enigma.
Në këtë aksident janë përfshirë dy vetura.
Këtë e ka konfirmuar për Gazetën “Enigma”, zëdhënësi i PK-së, Bajram Krasniqi.
“Rreth orës 18:00, policia është njoftuar për një aksident trafiku në rrugën nacionale Prishtinë-Pejë (fshati Vragoli). Njësia policore e trafikut ka dalë në vend-ngjarje. Në aksident janë përfshirë dy vetura dhe si pasojë e aksidentit janë lënduar katër persona.”, ka thënë Krasniqi.
