Qeveria talibane thuhet se po mban një “listë për vrasjen” e homoseksualëve në Afganistan, duke detyruar shumë njerëz të fshihen.
Interpretimi ekstremist i “Ligjit të Sheriatit” nga qeveria islamike do të thotë se homoseksualiteti është rreptësisht i ndaluar dhe ‘i ndaluar me vdekje’, shpesh në mënyra veçanërisht brutale.
Dhe tani, drejtori i një grupi të të drejtave të njeriut LGBT+ ka pohuar se talibanët kanë krijuar një listë të homoseksualëve që duan të vrasin.
“Kjo është një kohë vërtet e frikshme për të qenë në Afganistan”, tha për France 24, Kimhaliu Powell, drejtor ekzekutiv i Rainbow Railroad, e vetmja organizatë ndërkombëtare LGBT+ në terren në Afganistan.
“Tani e dimë se talibanët kanë një ‘listë vrasjesh’ që qarkullon, duke identifikuar personat që janë homoseksualë”, tha ai.
Powell tutje tha se talibanët ka të ngjarë t’i kenë kushtuar vëmendje emrave të njerëzve që grupet e huaja të të drejtave të njeriut u përpoqën të evakuonin në javët e para të tërheqjes së trupave amerikane dhe aleatëve nga Afganistani.
“Pas rënies së Kabulit, pati shumë shkëmbime informacioni”, tha Powell, duke shtuar se ata që nuk ishin në gjendje të evakuoheshin ka të ngjarë të jenë shtuar në “listën e vrasjeve” të talibanëve pasi identitetet e tyre u zbuluan.
Nën sundimin e talibanëve, personat e komunitetit LGBT janë ndër më të rrezikuarit në Afganistan, ku shumë prej tyre përballen me nivele të shtuara të persekutimit.
Rainbow Railroad, e themeluar në vitin 2006, po ndihmon anëtarët e kërcënuar të komunitetit LGBT+ të gjejnë strehim në shtëpi të sigurta përpara se t’i çojnë “nëpërmjet tokësore ose ajrore” në sigurinë e përhershme në një vend të huaj, shkruan Dailymail./Gazeta Enigma/
