Prokuroria Speciale ka kërkuar paraburgim ndaj dy të dyshuarve të arrestuar në veri të Mitrovicës.
Një muaj më parë, Policia e Kosovës intervenoi në veri të Mitrovicës me qëllim të luftimit të kontrabandës e krimit të organizuar. Por atje, njësitë elite të policisë hasen në rezistencë nga serbët lokalë.
Megjithatë, tetë persona përfunduan në pranga nën dyshimin për kontrabandim me mallra nga Serbia në Kosovë dhe anasjelltas.
E kur kanë kaluar 30 ditë nga aksioni, gjykimi i të arrestuarve në këtë rast po vazhdon në Prishtinë.
Të akuzuar për veprën penale “Pjesëmarrja ose Organizimi i grupit Kriminal të Organizuar” dhe “Kontrabandim me Mallra”, shumicës së të arrestuarve u është bërë kërkesë për ndryshimin e masës së paraburgimit në arrest shtëpiak.
Megjithatë, sipas dokumentit të siguruar nga T7, për dy të dyshuar, Prokuroria Speciale tashmë ka bërë kërkesë për vazhdimin e masës së paraburgimit.
E në kërkesën e tij për vazhdimin e paraburgimit, prokurori i rastit ka theksuar se të dyshuarit janë mbrojtur në heshtje.
Një gjë të tillë, avokati i njërit prej të akuzuarve, Durim Osmani, e cilëson si skandaloze.
Osmani paralajmëron se rastin do ta dërgojë tek Avokati i Popullit pasi që klientit të tij i është shkelur e drejta e garantuar me Kushtetutë për t’u mbrojtur në heshtje.
Se mbrojtja në heshtje nuk duhet të jetë ndër arsyet për vazhdimin e masës së paraburgimit e thonë edhe nga Këshilli për Mbrojtjen e të Drejtave dhe Lirive të Njeriut.
Për ta shikuar storien e plotë klikoni këtu.
