Po vazhdon procesi i vaksinimit kundër COVID-19 në tërë territorin e Kosovës.
Në shumë vende tjera ka filluar edhe marrja e dozës së tretë të kësaj vaksine, ndërsa në vendin tonë ky proces pritet të fillojë së shpejti.
Kështu ka konfirmuar zëdhënësi i Ministrisë së Shëndetësisë, Faik Hoti.
Ai bëri të ditur se ende nuk ka filluar marrja e dozës së tretë, por që ka qytetarë që e kanë marrë në vende tjera.
Në Kosovë ende jo, ka qytetarë që e kanë marrë në Shqipëri apo vende tjera. Në Kosovë fillon së shpejti”, konfirmoi Hoti.
Kujtojmë që qytetarët e Kosovës dhe të huajt, të moshës mbi 12 vjeç mund të vaksinohen në cilëndo qendër të vaksinimit në Kosovë, pa termin të caktuar paraprakisht.
Gjithashtu, këtyre ditëve është duke u bërë vaksinimi edhe përmes ekipeve mobile. /Gazeta “Enigma”/
