Detaje të reja bëhen me dije nga akisdenti masiv i ndodhur mbrëmjen e sotme në Kurbin, në të cilin u përfshi edhe një automjet i eskortës që po shoqëronte ish-kryeministrin Sali Berisha.
Makina në të cilën ishte Berisha dhe 3 automjetet që e shoqëronin po udhëtonin drejt Tiranës pas Foltores së mbajtur në Kurbin, por një makinë që ka dalë nga një karburant është futur kundravajtje dhe ka dalë përballë vargut të makinëve të eskortës së Sali Berishës.
Fatmirësisht makina me të cilën po udhëtonte Berisha ka mundur të devijojë, ashtu si edhe 3 makinat e tjera që vinin pas, por makina e katërt nuk ka mundur të devjojë dhe ka frenuar fort, duke përplasur nga mbrapa një makinë tjetër. Për pasojë në këtë aksident kanë mbetur të plagosur 2 persona, shoferi dhe dy shoqërues.
“Në aksin rrugor Milot- Fushë Mamurras, mjeti me drejtues shtetasin A.M., ka goditur mjetin me drejtues shtetasin S.L., e më pas ka goditur mjetin shoqërues të eskortës deputetit S.B.
Si pasojë kanë marrë dëmtime të lehta 2 shtetas banues në Kosovë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njofton policia./Gazeta Enigma/
