Kryetari i FFK-së, Agim Ademi, ka folur edhe rreth kategorizimit të sporteve që i ka bërë Komiteti Olimpik i Kosovës, e ku futbolli është renditur në vendin e gjashtë në Kategorinë A, pas xhudos, volejbollit, basketbollit e hendbollit.
“Është nder për çdo Komitet Olimpik ta ketë Federatën e Futbollit pjesë të saj. Futbolli gjithkund në botë është industri. Në Kosovë rreth 30 mijë njerëz janë pjesë e futbollit. Në botë futbolli është sporti numër 1 dhe nëse e shohim në këtë aspekt ai kategorizim nuk është i mirë”, ka thënë ai.
LEXO EDHE: Ademi për Enigmën: Kombëtarja e Kosovës javën e ardhshme do ta ketë trajnerin e ri
“FFK e ka moti strategjinë me UEFA-n me FIFA-n, por ndoshta është bërë ndonjë gabim. Unë mendoj se xhudo me mirëkuptimin e të gjithëve duhet të jetë jashtë konkurrimit, sepse është sport që na ka bërë krenar. Sidoqoftë, nëse futbolli është i parëndësishëm për KOK-un, atëherë tërhiqemi, por nëse është i rëndësishëm duhet të jemi aty ku e kemi vendin”, ka theksuar presidenti i FFK-së./Gazeta Enigma/
