Një aeroplan i vogël me dy pasagjerë ka bërë ulje emergjente sot në autostradën afër qytetit të Brezjes në Slloveni dhe sipas informacioneve fillestare nuk ka të lënduar.
Policia e Kranjit ka njoftuar se ka marrë njoftim se një aeroplan i vogël ka bërë ulje emergjente në rrugën kryesore afër Brezjes në drejtim të Jesenicës, transmeton portali slloven 24ur.
Vendi i uljes së detyruar të aeroplanit në autostradë po sigurohet aktualisht nga policia. Komunikacioni në autostradë zhvillohet në shiritin e shpejtë dhe ka edhe bllokime trafiku. Vonesa aktualisht është 30 minuta.
Një regjistrim i bisedës mes pilotit dhe kullës së kontrollit, i cili gjendet edhe në faqen e trafikut ajror Live, dëshmon se ka pasur një problem me motorin.
