Gjashtë persona kanë mbetur të lënduar në një aksident trafiku që ka ndodhur sot në fshatin Drenovc të Klinës, raporton Gazeta Enigma.
Lajmin e ka konfirmuar për Gazetën Enigma, zëdhënësi i Policisë për rajonin e Pejës, Fadil Gashi.
Gashi bëri të ditur se në aksident kanë qenë të përfshira dy automjete dhe një kamionetë.
“Rreth orës 15:32, Policia është njoftuar për një aksident në fshatin Drenovc në Klinë ku tri automjete kanë qenë të përfshira në këtë aksident – dy automjete dhe një kamionetë. Si pasojë e këtij aksidenti të lënduar kanë mbetur gjashtë persona dhe të njëjtit janë dërguar për tretman mjekësor në Spitalin e Pejës dhe janë jashtë rrezikut për jetë”, ka thënë Gashi.
Gashi mes tjerash bëri të ditur se njësiti i trafikut është ende në vendin e ngjarjes për të hetuar rrethanat e aksidentit./Gazeta Enigma/
