Një aksident mes tri veturave ka ndodhur në magjistralen Prishtinë-Pejë. Për pasojë janë lënduar dy persona, kanë bërë të ditur nga Policia e Kosovës.
Rastin e ka konfirmuar zëdhënësi i Policisë së Kosovës, Bajram Krasniqi.
Të lënduarit kanë pranuar tretman mjekësor.
“Rreth orës 16:15, policia është njoftuar për një aksident trafiku të ndodhur në rrugën nacionale Prishtinë-Pejë (fshati Koreticë). Sipas patrullës policore në aksident janë përfshirë tri automjete. Si pasojë e aksidentit dy persona kanë marrë ndihmë mjekësore”, tha Bajrami.
