Ministri i Punëve të Brendshme, Xhelal Sveçla tanimë është nisur drejt Kroacisë ku një autobus me targa kosovare është aksidentuar e më ç’rast raportohet për 10 të vdekur dhe shumë të lënduar, raporton Gazeta “Enigma”.
Kujtojmë se autobusi po sillte bashkëatdhetarë tanë nga Frankfurti për në Kosovë.
Nisjen e Sveçlës drejt Kroacisë e ka konfirmuar, kryeministri Albin Kurti.
Postimi i plotë i Kurtit:
Me pikëllim të thellë e morëm lajmin për aksidentin tragjik në Kroaci, të një autobusi me targa të Kosovës.
Ndonëse ende nuk kemi konfirmime zyrtare për detajet, lutemi të ketë sa më pak të vdekur e sa më shpejt të shërohen të lënduarit.
Ministri ynë i Punëve të Brendshme po niset për Kroaci, ndërkaq drejt vendit të aksidentit te autostrada e Sllavonski Brodit tashmë është nisur ambasadori ynë në Zagreb.
Me ankth e shpresë jemi pranë qytetarëve tanë dhe familjeve të tyre në këto çaste të rënda.
