Në Ferizaj, gjatë ditës së enjte, janë raportuar dy raste vjedhjeje.
Policia ka njoftuar se ka arrestuar tre persona në lidhje me këto incidente, shkruan Gazeta Enigma.
Njëri prej të arrestuarve është një 58-vjeçar, i cili dyshohet se është kryesori për vjedhjet.
Gjithashtu, janë arrestuar edhe dy persona të tjerë, të cilët penguan zyrtarët policor në momentin e arrestimit të të dyshuarit kryesor.
“Menjëherë në vendin e ngjarjes kanë dalë ekipe të policisë, policët e rendit dhe hetuesit e stacionit të Ferizajt, të cilët pas një pune intensive në terren, në bazë të shikimit të kamerave të sigurisë kanë identifikuar të dyshuarin E.D ( M/K) i moshës 58 vjeçar, të cilin në një bodrum të një banese në rrugën ‘’12 Qershori ‘’ në Ferizaj e kanë arrestuar , ndërsa janë arrestuar edhe dy persona tjerë : E.N ( M/K) i moshës 31 vjeçar dhe U.E ( M/K) i moshës 42 vjeçar, të cilët kanë penguar zyrtarët policor, derisa kanë arrestuar të dyshuarin E.D”, thuhet në njoftimin e policisë.
“Tre të dyshuarit janë shoqëruar në stacionin e policisë në Ferizaj dhe pas intervistimit të tyre nga hetuesit policor, me vendim të prokurorit të shtetit, personat : E.D dhe E.N janë ndaluar në mbajtje për 48 orë, ndërsa U.E është liruar për procedurë të rregullt hetimore”./GazetaEnigma/
