Një shtetas i Kosovës dhe bashkëshortja e tij italiane janë kapur sot nga autoritetet policore në aeroportin “Adem Jashari”, nën dyshimin se kanë falsifikuar testet për koronavirus.
Ngjarja ka ndodhur rreth orës 14:45, në aeroportin ‘Adem Jashari’, ku një qytetar i moshës 52-vjeçare, dhe bashkëshortja e tij e moshës 44-vjeçare, shtetase italiane, në tentim për të udhëtuar për në Verona (Itali), kanë prezantuar dy dokumente (teste për COVID), të cilat dyshoheshin se mund të ishin të falsifikuara.
Pas pranimit të këtyre dy dokumenteve, policia ka filluar hetim lidhur me origjinalitetin e testeve.
Është kontaktuar laboratori në emër të të cilit ishin lëshuar testet.
Përgjigja nga laboratori ka qenë se nuk kanë lëshuar teste me ata numra rendor dhe për ata persona (B.K. dhe T.O.).
Policia njofton se numri rendor i prezantuar nga palët përkon me emrin e një personi tjetër.
Lidhur me rastin, policia ka njoftuar prokurorin kujdestar dhe në konsultim më të, është iniciuar rasti karshi veprës penale ‘‘falsifikim i dokumenteve’ ndaj dy të dyshuarve të lartcekur.
Me aktvendim të prokurorit, dy të dyshuarit dërgon në mbajtje deri në 48 orë.
