Policia e Kosovës ka arrestuar një 17-vjeçar që ishte në kërkim të policisë për veprën penale vjedhje e rëndë, raporton Gazeta Enigma.
Sipas policisë i arrestuari është 17-vjeçar me inicialet E.V, derisa i njëjti me është dërguar në vuajtje të dënimit.
“Stacioni policor në Kaçanik nga Drejtoria Rajonale e Policisë në Ferizaj, në bazë të një informacioni inteligjent të pranuar , ka arritur që pasditen e sotme të arrestojë një person me inicialet E.V (M/K) i moshës 17 vjeçar.Ai ishte i kërkuar në bazë të urdhëresës së Gjykatës Themelore në Ferizaj , për veprën penale ‘’Vjedhje e rëndë ’’, me dënim burgimi prej një (1) viti”
“Pas kompletimit të dokumentacionit, i njëjti dërgohet në vuajtje të dënimit. Drejtoria Rajonale e Policisë në Ferizaj , do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës.”
