Një aksident me autobus në Turqinë perëndimore i mori jetën 15 pasagjerëve këtë të diel, ndërsa 17 të tjerë mbetën të plagosur.
Sipas mediave të huaja, autobusi i ardhur nga provinca e Detit të Zi, Zonguldak, humbi kontrollin dhe u përmbys në autostradën Balikesir gjatë rrugës për në Edremit në provincën perëndimore Balikesir.
Ekipet e shpëtimit dhe të urgjencës u dërguan menjëherë, por 11 persona vdiqën në vendngjarje, dhe katër të tjerë pasi u transportuan në spital dhe iu nënshtruan mjekimit. Por pavarësisht përpjekjeve nuk arritën dot t’i mbijetonin plagëve.
Guvernatori i Balikesir, Hasan Sildak teksa vizitoi të plagosurit tha se 3 nga 17 personat e plagosur në aksident u liruan nga spitali pas trajtimit.
Ndërkohë që forcat e policisë ndodhen në vendngjarje dhe po hetojnë shkaqet e aksidentit./Gazeta Enigma/
