Deputetja e Lidhjes Demokratike të Kosovës (LDK), Hykmete Bajrami ka komentuar rritjen e pagave nga Qeveria. Ajo ka thënë shpërndarja e parasë publike për blerë mbështetje elektorale është skemë e korrupsionit publik.
Bajrami ka folur edhe për rritjen e pagave. Sipas saj rritja e pagave në kohë të fushatës nga Qeveria Kurti është skemë e korrupsionit publik.
“VV-ja nuk e ka ngrit pagën për qytetarët në atë kohë, por po e ngrit tash në kohë të fushtaës. Kjo defitivisht për neve LDK, shpërndarja e parasë publike e taksave të qytetarëve për me ble mbështetje elektorale është skemë e korrupsionit publik”, ka theksuar ajo.
Tutje, Bajrami thotë se nëse Lumir Abdixhiku bëhet kryeministër, qysh në javën e parë të qeverisjes së tyre do të bëhet rishikimi i buxhetit dhe do të ndryshohet koeficienti i pagave.
“Ne si LDK kemi kërku me u bë indeksimi I pagave dhe pensioneve në kohë të inflacionit. Në 2022 ne kemi pas rezoluta në Kuvend ku I kemi lut këta me hek TVSh për produktet bazë, për energjinë elektrike. Por na nuk jemi pyt, jemi opozitë, nuk kemi qenë shumicë, nuk kemi mujt me ec. Tash është legjitime për neve me thanë gjana që nuk I ka bo kjo qeveri, na kemi me I bo qysh në javën e parë të qeverisjes. Po e them këtu si zotim, që me kryeministër Abdixhiku që në javën e parë do të bëhet rishikimi i buxheti, do të ndryshohet koeficienti i pagave, ka me u bo 150 euro”.
Ajo ka thënë se Qeveria Kurti në fillim të mandatit i ka rritur pagat 45 për qind për gjithë stafin politik.
“Është kjo Qeveria Kurti 2 e cila në fillim të mandatit i ka rritur pagat, për kryeministrin, për zëvendëskryeministrat, ministrat, zv.ministrat, këshilltarët politikë, asistentat, shoferët e kabinetit me 45% të mandatit. Në fillim të mandatit janë rritur pagat për gjithë stafin politik”, ka thënë ajo.
Ndërkaq, thotë se tash pushteti iu thotë qytetarëve të jenë falënderues pse po rriten pagat dy herë nga 55 euro, herën e parë në kulmin e fushatës zgjedhore.
“Ndërsa dje iu thonin njerëzve që duhet të jeni falënderues që po e merrni një rritje me dy këste nga 55 euro”, ka thënë Bajrami.
Ajo po ashtu tha se institucionet e Kosovës kanë dhënë qindra tenderë të cilët nuk i plotësojnë kushtet e parapara.
Sipas saj numri më i madh tenderëve njëburimor është dhënë nga Koorporata Energjetike e Kosovës.
“Po konsideroj që duke parë natyrën e tenderëve, sepse e kam listën e 2135 kontratave, e kemi tash të gjithë. Aty ka me qindra tendera të cilat nuk i plotësojnë kushtetet që janë të paracaktuara në nenin 35. Në Raportin e Progresit që është publikuar sot përmendet KEKu, edhe përmendet menaxhimi jo i mirë i Prokurimit Publik. KEK-u e ka numrin më të madh të tenderëve të negociun pa publikm të njoftimit për kontratë. Te KEK-u i ke tenderë njëburimorë dhjetëra herë për sigurim fizik të aseteve te KE-’ut”, ka thënë ajo në T7.
