Ballkani dhe Llapi kanë luajtur baras 0-0 në derbin e xhiros së 26-të në Superligë.
Ndeshja nisi më mirë për skuadrën mysafire të cilët pas shtatë minutash lojë rrezikuan të parët.
Ishte Ahmed Januzi që tentoi, por goditja e tij u prit për mrekulli nga Enea Koliçi.
Llapi kishte më shumë nga loja në pjesën e parë, derisa Ergyn Ahmeti gjuajti bukur me volley, por sërish Koliçi ishte në portë.
Arbnor Ramadani ishte lojtari i radhës që rrezikoi për skuadrën mysafire, por sërish portieri vendas bëri mrekulli.
Kësisoj 45 minutat e para përfunduan ashtu siç filluan me rezultat të pastër 0-0.
Pjesa e dytë ishte më e qetë, ku Gripshi i vendasve kishte rast të mirë kur kaluan një orë lojë, por pa sukses.
Krejt në fund të ndeshjes Ballkani pati mundësi të artë shënimi, por qendërmbrojtësi Ilir Krasniqi shpëtoi Llapin duke përfunduar ndeshja pa gola 0-0.
Ballkani vazhdon të jetë lider me 52 pikë, një më shumë se Llapi në vendin e dytë.
Ndeshjen e radhës Ballkani e zhvillon në udhëtim te Prishtina, derisa Llapi para adhuruesve të vet pret Lirinë e Prizrenit.
Malisheva ka fituar me lehtësi 3-0 në udhëtim te Liria në ndeshjen e vlefshme për javën e 26-të në Albi Mall Superligën e Kosovës.
Ekipi i Qëndrim Kidës ka vazhduar me lojëra të mira dhe fitore, duke mposhtur Lirinë dhe duke u ofruar në vetëm pesë pikë me pozitën e parë.
Pas kësaj fitore, Malisheva e sheh veten në pozitën e katërt me 47 pikë apo dy më pak se Drita e treta, ndërsa Liria është e fundit me vetëm 10 pikë.
Në ndeshjen e ardhshme, Malisheva e pret Dritën, ndërsa Liria udhëton te Llapi.
