Ballkani zhvillon sonte ndeshjen e rëndësishme ndaj Sivassporit në stadiumin “Fadil Vokrri”, në kuadër të xhiros së katërt të fazës së grupeve në Ligën e Konferencës.
Javën e kaluar kampionët e Kosovës mposhtën skuadrën turke, Sivasspor me rezultat 4-3 si mysafir, duke marr fitoren e parë.
Pak orë para fillimit të takimit, Ballkani ka publikuar një video në faqen zyrtare të klubit me mbishkrimin: “Ne jemi gati”.
Kujtojmë se të gjitha biletat për këtë përballje interesante janë shitur 24 orë më parë.
Kjo ndeshje zhvillohet me fillim nga ora 21:00 dhe një fitore e Ballkanit do t’ia shtonte gjasat për kalimin tutje nga faza e grupeve.
