Me të vetmin gol të shënuar në minutën 42 të pjesës së parë nga Thorgan Hazard, ekipi përfaqësues i Kombëtares Belge, ka prekur çerekfinalen e Euro 2020, pasi ka ngadhnjyer ndaj Portugalisë.
Kësisoji Belgjika i bashkohet katërshes së përfaqësueseve që kanë kaluar fazën e të tetës së finales, së bashku me Çekinë, e cila paraprakisht eliminoi Holandën (0 : 2), si dhe Italinë dhe Danimarkën, të cilat dje kanë eliminuar Austrinë (2 : 1), përkatësisht Uellsin (4 : 0).
