Vizita e sotme e presidentit amerikan Joe Biden në Kiev, pak ditë para përvjetorit të parë të pushtimit rus, u cilësua nga zëdhënësi i qeverisë Steffen Hebestreit si një mesazh pozitiv për kohezionin perëndimor dhe solidaritetin me Ukrainën.
Sipas Hebstreit, Scholz do të marrë pjesë të premten në një telekonferencë të liderëve të Grupit të Shtatë (G7), e cila do të mbahet me rastin e 1-vjetorit të pushtimit rus të Ukrainës.
I pyetur nëse takimi i G7 dhe vizita e ardhshme e kancelares gjermane në SHBA kanë për qëllim koordinimin e dërgesave të reja të armëve në Ukrainë, zëdhënësi i qeverisë gjermane u kufizua duke thënë se bisedimet për shpërndarjen e armëve janë gjithsesi “në vazhdimësi” dhe nuk janë objekt i Scholtz.
Megjithatë, pyetjes nëse qeveria federale gjermane ka informacion për dërgesat kineze të armëve në Rusi, Steffen Hempstreit është përgjigjur negativisht, por duke theksuar se Berlini i merr seriozisht deklaratat e Sekretarit Amerikan të Shtetit Anthony Blinken për këtë çështje.
Hebstreit sqaroi se për momentin “nuk ka asnjë provë për një gjë të tillë” dhe shtoi se Scholz takoi kryediplomatin kinez Ëang Yi në fundjavë në margjinat e Konferencës së Sigurisë në Mynih dhe përsëriti qëndrimin e qeverisë federale gjermane ndaj tij.
Duke iu referuar të njëjtës çështje, ministri i Jashtëm i Luksemburgut, Jean Asselborn, duke folur sot në Radion Gjermane, theksoi se dërgimi i armëve kineze në Rusi do të çonte në një përshkallëzim të luftës.
“Kjo do të ishte një pikë kthese dhe jo për mirë. Nëse Kina dërgon armë në Rusi, kjo duhet të ketë pasoja për marrëdhëniet tona me Pekinin. Shpresoj që të mos arrijmë atje, por dërgesat e fshehta të armëve do të kenë gjithashtu pasoja”, shtoi ai.
