Zëvendëskryeministri i Kosovës, Besnik Bislimi, gjatë raportimit në Komisionin për Integrime Evropiane, ka folur edhe për procesin e liberalizimit të vizave, raporton Gazeta Enigma.
Tutje, Bislimi u shpreh se vonesat në këtë proces nuk kanë të bëjnë me vendet mosnjohjëse të pavarësisë.
“Skeptike janë ato shtetet që e kanë njohur Kosovën, kanë problem se nuk është duke u bërë mjaftueshëm në luftimin e krimit dhe korrupsionit. Mendoj që një pjesë e brengës nuk ka të bëjë me Kosovën, por me dëshpërimin e qytetarëve të këtyre shteteve për procesin e shpejt të liberalizimit që ka ndodhur me disa shtetet të cilat janë burim i shumë problemeve”, ka thënë Bislimi.
Bislimi theksoi se shtetet të cilat kanë brenga për çështjen e vizave për Kosovën janë Franca, Holanda dhe Belgjika.
“Problemi më i madh duket të jetë me brengat që ka MPB e Francës, Holanda është gjithashtu vendi tjetër që ka problem me çështjen e liberalizimit të vizave, na është thënë jo zyrtarisht se brenga ka edhe Belgjika…”, u shpreh Bislimi.
Bislimi shtoi se jo zyrtarisht iu është thënë se rrugës mund të dalin probleme edhe nga dy shtete tjera, dhe se për të konfirmuar një gjë të tillë janë duke punuar për të parë nëse janë të vërteta.
