Seanca e Kuvendit të Serbisë u zhvillua mes tensioneve dhe kaosit, pasi në sallë u hodhën bomba me tym.
Në mes të kësaj atmosfere të tensionuar, kryeparlamentarja Ana Brnabiq shfrytëzoi foltoren për të sulmuar opozitën serbe, duke i quajtur ata “heronj të Albin Kurtit dhe të mediave në Kosovë”.
Për më tepër, gjatë fjalës së saj, ajo përdori gjuhë fyese dhe diskriminuese, duke e përsëritur terma ofendues.
Teksa fliste, Brnabiq mbante në duar artikuj të mediave kosovare që kishin raportuar për zhvillimet në Parlamentin e Serbisë.
Ajo pretendoi se opozita serbe, për shkak të reagimeve të shqiptarëve, po paraqitet si “heroike”.
Në lidhje me këtë deklaratë, ka reaguar këshilltari i kryeministrit Albin Kurti, Jeton Zulfaj.
Ai e kundërshtoi pretendimin e Brnabiqit, teksa theksoi se Kosova është një demokraci dhe se Kurti nuk ka asnjë kontroll mbi mediat.
“Një sqarim për Ana Brnabiq: Ne jemi demokraci. Kryeministri Albin Kurti nuk zotëron asnjë media”, shkroi Zulfaj.
A clarification for Ana Brnabić:
We are a democracy. Prime Minister Albin Kurti does not own any media. pic.twitter.com/7DDYGaO6lh— Jeton Zulfaj (@JetonZulfaj) March 4, 2025
