Reprezentuesi i Kosovës, Bersant Celina ka gjasa të mëdha që karrierën ta vazhdojë në Turqi. Mediumet angleze kanë raportuar të martën se Celina është pranë arritjes së marrëveshjes me Kasimpashan, ekip që bën gara në elitën e futbollit turk.
Celina sezonin e fundit ishte i huazuar te Ipswich Towni që garoi në divizionin e tretë, por ekipi anglez nuk arriti ta bindë Dijonin në lirimin e mesfushorit.
Celina ka kontratë me Dijonin deri në vitin 2024 dhe kartoni i tij vlerësohet rreth tre milionë euro. Te Kasimpasha është edhe reprezentuesi tjetër i Kosovës, Florent Hadërgjonaj.
