Kompania Rajonale e Ujësjellësit “Gjakova” SH.A. ka njoftuar se gjatë punimeve nga Operatori Ekonomik kontraktuar nga Komuna e Gjakovës, në rrugën “Tirana”- (Rruga transite) është dëmtuar gypi i ujësjellësit Ø150 dhe Ø90.
Si pasojë e këtij dëmtimi është ndërprerë furnizimi me ujë për një pjesë të konsumatorëve të rrugës “Tirana” në Gjakovë, respektivisht konsumatorët që lidhen me krahun e rrugës nga janë duke u zhvilluar punimet.
“Për shkak të kompleksitetit të punimeve, meqenëse së pari duhet të vendosen gypat e kanalizimit, punimet në rregullimin e defektit në gypin e ujësjellësit do të vazhdojnë nesër në mëngjes! Kërkojmë mirëkuptimin tuaj!”, thuhet në njoftimin e KRU “Gjakova”, transmeton Gazeta Enigma.
