Deputeti i PDK-së, Artan Behrami, ka reaguar nga Kuvendi i Kosovës, duke akuzuar pushtetin për, siç tha ai, “tradhti ndaj shtetit” dhe për kontroll të institucioneve.
“Ne jemi këtu, në Kuvend. Lërini instalacionet në hollin e Kuvendit, sepse nuk mundeni ta mbuloni tradhtinë që po ia bëni këtij shteti”, tha Behrami.
Ai pretendoi gjithashtu se dyert e Kuvendit janë të mbyllura dhe se gazetarët nuk po lejohen të hyjnë brenda.
“Këta i kanë okupuar të gjitha institucionet. Ka mbetur vetëm logon e Republikës ta zëvendësojnë me logon e VV-së. Por, ne nuk do ta lejojmë”, deklaroi deputeti i PDK-së.
