Deputeti holandez i Parlamentit Evropian, Thijs Reuten, i ka reaguar Komisionerit për Zgjerimin e Fqinjësinë, Oliver Varhelyi, i cili u takua dje me presidentin serb, Aleksandër Vuçiq.
“Presidenti serb Vuçiq, destabilizon rajonin, manipulon zgjedhjet, instalon qeverinë pro-ruse me dy ministra të sanksionuar nga SHBA, flirton me klubin autokrat BRICS, lëpinë çizmet diktatorin Xi Jinping”, ka shkruar ai në platformën ‘X’.
Komisionari i Bashkimit Evropian për Fqinjësi dhe Zgjerim, Oliver Varhelyi ka thënë të hënën në Beograd se Serbia, si vend kandidat për anëtarësim në bllokun evropian, duhet të harmonizojë politikën e jashtme me atë të Bashkimit Evropian, të përmirësojë demokracinë si dhe sundimin e ligjit.
