Nuredin Gashi, i njohur sikur edhe Nuredin Drenica, ka thënë mbrëmë se secili person që tradhëton atdheun duhet të vritet.
“Unë konsideroj që çdo njeri i cili bën të këqija siç bën Albin Kurti, edhe po të isha unë në vendin e tij duhet të vritet”.
“Ajo është tradhëti ndaj atdheut. Çdo njeri thashë, nuk e potencova me emër – çdo njeri që ë tradhëton atëdheun duhet të vritet”, tha ai mbrëmë në Debat Plus.
Ndryshë, Prokuroria Specila, ka njoftuar sot se e ka arrestuar një person për “Dhuna ndaj përfaqësuesve të lartë të Republikës së Kosovës”.
Sipas Prokurorisë i dyshuari mban inicialet N.S., dhe jo N.G. siç Nuredin Gashi u prezentua mbrëmë në Debat Plus, e cili tha se çdo kush që e tradhëton atdheun duhet të vritet.
“Prokuroria Speciale njofton se i dyshuari N.S. ka bërë kanosje të dhunës për vrasje ndaj Kryeministrit të Republikës së Kosovës, pasi që ka bërë një postim në rrjetin social “Facebook’’ me përmbajtje inkriminuese, si dhe, gjatë transmetimit të drejtpërdrejtë të emisionit “DEBAT PLUS’’, të datës 30 gusht 2023, të njëjtën deklaratë i njëjti e përsëritë”.
I njëjti është ndaluar për 48 orë.
