Ministri i Financave, Punës dhe Transfereve, Hekuran Murati, ka bërë të ditur se sot është ekzekutuar pagesa për grupin e parë të punëtorëve që përfitojnë nga subvencionimi i pagave.
Murati ka thënë se të premten që vjen, pritet të bëhet ekzekutimi i pagesave edhe për grupin tjetër.
Njoftimi i tij i plotë.
Qeveria e Kosovës ka ndarë në fund të muajit prill 6 milionë euro për subvencionimin e pagave dhe qirave të bizneseve të cilat me vendim të Qeverisë u mbyllën për dy javë, nga 7-18 prill për shkak të rritjes së rasteve pozitive me COVID-19.
