Federata e Basketbollit e Kosovës (FBK) në bashkëpunim me Agjencinë e Anti-Dopingut për Kosovë (KosADA) do të organizojnë Seminarin për Anti-Doping.
Klubet e FBK-së, Stafin Administrativ, si dhe për trajnerët e të gjitha Përfaqësueseve të Kosovës, përcjell FrontOnline.
Seminari do të mbahet online në platformën Zoom më 22 Dhjetor nga ora 16:00.
Njëherësh kjo është hera e parë që FBK në bashkëpunim me KosADA-n organizojnë një seminar të tillë për komunitetin e basketbollit.
Elvira Dushku, Sekretare e Përgjithshme e FBK-së:
“Për Federatën e Basketbollit të Kosovës është shumë e rëndësishme fillimi i organizimit të Seminareve për Anti-Doping, duke filluar me klubet, stafin, trajnerët, dhe më pas do të vazhdojmë edhe me basketbollistët/et, për të cilët informatat për dopingun dhe rrezikun që vjen nga përdorimi i dopingut është shumë i rëndësishëm”.
“Ne kemi hasur në bashkëpunim shumë të mirë me KosADA-n, më saktësisht me Koordinatorin, Bernard Tahirbegollin, i cili na është përgjigjur pozitivisht kërkesës së FBK-së për fillimin e organizimit të seminareve për komunitetin e basketbollit”.
“FBK është shumë e interesuar të mbrojë sportin e pastër dhe sportistët e pastër, dhe për këtë arsye pas konsultimeve edhe me zyrtarët e FIBA-s kemi rënë dakord për organizimin e seminareve të tilla informuese, të cilat do të shërbejnë në vetëdijesimin e sportistëve tanë”.
Pra, qëllimi kryesor për informimin mbi dopingun dhe substancat e ndaluara është mbrojtja e sportistëve të pastër. Duke përdorur substanca dhe metoda të ndaluara, sportistët që e përdorin dopingun, jo vetëm që dëmtojnë shëndetin e tyre, por gjithashtu fitojnë një avantazh konkurrues që nuk është korrekt. Me pak fjalë është një avantazh mashtrues”.
Temat që do të trajtohen në këtë Seminar janë:
· Kush është WADA dhe çka janë politikat anti-doping?
· Kush është KosADA dhe për çka është përgjegjëse?
· Çka është dopingu?
· Lista e substancave dhe metodave të ndaluara nga WADA për vitin 2022
· Procedurat e testimit për kontroll të dopingut
· Menaxhimi i rezultateve të testimit për kontroll të dopingut
· Rëndësia dhe aplikimi për TUEs
· Whereabouts
· Roli dhe përgjegjësitë e Stafit Administrativ të Federatave dhe Klubeve
· Komunikimi dhe bashkëpunimi i personave të kontaktit me KosADA./Gazeta Enigma/
