Gazetari nga Peja, Valdrin Daci, ka treguar në “Kosova today” se i është sulmuar nga një person i cili punon në Telekomin e Kosovës.
Ai tha se derisa ka qenë i parkuar duke pritur për të vizutuar një biznes, afër tij erdhi një kamionetë brenda të cilës ishte edhe i dyshuari.
Daci u shpreh se nuk e njeh personin i cili e ka sulmuar, dhe nuk e di arsyen.
“Në ato momente ende pa dalë nga vetura erdhi kamioneta dhe mu afrua. Kam kuptuar që po fyhesha, ndërkohë derisa po gjeja momentin për të dalë e kam parë personin i cili po fyente. Ka ardh drejt meje, e pashë të udhës me xhiru sepse ajo ishte mënyra e vetme për t’u mbrojtur. Nuk jam takuar kurrë, ose të paktën unë nuk e mbaj mend që e kam takuar ndonjëherë. As nuk e di që e kemi përmendur ndonjëherë emrin e tij në ndonjë artikull”, u shpreh gazetari Daci.
Ndërkohë, i dyshuari është ndaluar nga policia e Kosovës.
Ndiqni videon e mëposhtme për të kuptuar gjithë ngjarjen:
